ينفع تشتغل في شركتين full time في نفس الوقت؟

كنت بتكلم مع حد من فترة، مقتنع تماماً إن عادي يشتغل في شركتين full time في نفس الوقت.

أنا متفهم إن فيه أوقات الدنيا بتبقى مريحة، لكن هل الوضع ده هيفضل كده طول الوقت؟

هنفترض إنك قدرت توفر فعلاً 16 ساعة شغل يومياً، هل هيبقوا بنفس الكفاءة؟ ولو عملتها يوم، هتعرف تعملها على طول؟ استحالة. يبقى إنت بتضحك على نفسك وعليهم.

الحل إنك لما تيجي تتفاوض مع شركة، تطلب المرتب المُرضي ليك واللي يغنيك عن أي حاجة جانبية، غير كده بلاش تقبل الـ offer من البداية.