إيه مواصفات التيم ليدر الكويس بعيداً عن الـ technical؟
إيه هي مواصفات السينيور أو التيم ليدر، أو أي حد بيدير فريق تحته، بعيداً عن الـ technical؟
- مهما حصل عليه ضغط مايوصّلش ده للتيم (إلا نادراً، مش عمال على بطال).
- يعرف يحل أي اشتباك بين التيم.
- بيعرف يحل مشاكل الـ Git.
- دايماً يكون فاتح باب النقاش بينه وبين التيم، مش مجرد أوامر.
- يعرف يقول كلام إيجابي لما حد يعمل حاجة كويسة، من غير ما يكابر.
- يبقى عارف إنه مش عارف كل حاجة، وإنه ممكن يتعلم حاجة من أصغر حد في التيم عنده.
- بيعرف يدافع عن حقوق التيم بتاعه قدام الإدارة.
- لو حد غلط، مايفضحهوش، ويعرّفه الصح بينه وبين الشخص ده.
وأهم نقطة: لما حد من التيم يمشي يكونوا فاكرينه بالخير، مش يحسبنوا عليه لما تيجي سيرته!