ليه لازم تعمل MVP وتاخد فيدباك قبل ما تبني منتجك؟

من كام سنة كده، مع تريند ريادة الأعمال وإن من حق كل مواطن يكون CEO، قلت وماله، أما أقوم أعمل أبلكيشن كده ونعمل ستارت اب ونعيش بقى. بغض النظر إن الموضوع فشل، حابب أشارك معاكم حاجة بسيطة: ماتبنيش حاجة لمدة طويلة من غير ما تاخد رأي الناس، وتبني على أساس الفيدباك ده.

فكرة إنك تقعد مع نفسك وتبني حاجة من وجهة نظرك إنت هتلبّسك في حيط. اعمل MVP بسيط جداً، ومن هناك اتحرك. منه الناس هتعرف اللي إنت بتعمله، ومنه هتجمع فيدباك محترم هيخدمك لما تيجي تبيع.

وأهم ما في الموضوع، إن الحاجة دي تكون بتحل مشكلة حقيقية فعلاً، مش مجرد حل إنت عامله لمشكلة مش موجودة!