العميل بيفاصل في السعر؟ ماتنزلش من غير مقابل

من الحاجات اللي اتعلمتها لما العميل يحاول يفاصل: مينفعش تنزل السعر بتاعك من غير أي حاجة مقابل ده.

يعني مينفعش أنزل السعر 20% مثلاً من غير ما آخد مقابلها امتيازات، زي تقليل جزء من الـ scope، وقت زيادة، مقدم أكبر، أو أي امتيازات تانية تعوض فرق السعر ده.

لأنك لو نزلت السعر من غير دول، العميل غالباً هيحس وقتها إنك كنت مزود عليه السعر من غير مبرر.

وحتى لو عجبه شغلك وقرر يكمل معاك تاني، هتلاقيه بيفاصل معاك في كل مرة جامد جداً، لأنه شايف إن سعرك فيه قابلية دايماً للنزول من غير أي حاجة هو بيدفعها في المقابل.