تعمل إيه في الفترة ما بين مشروع والتاني؟
أكتر فترة الواحد بيكون مضغوط فيها نفسياً هي الفترة ما بين المشروع والتاني، وللأسف أغلب الفترة دي بتضيع من غير أي استفادة.
طب إزاي نحاول على قد ما نقدر نستفيد من الفترة دي؟
- روح الجيم.
- حاول تتعلم تعمل حاجات برة نطاق الشغل، زي ركوب الخيل أو تتعلم رياضة جديدة. حاول تخلي مخك وجسمك يتنفسوا.
- كلم أي حد من أهلك أو صحابك بقالكم كتير ماتكلمتوش.
- شوف أي مهارة إنت مأجلها علشان كنت مضغوط، وابدأ اتعلمها. ده هيخليك تحس بالإنجاز.
- علّم الناس، وانشر بوستات ومقالات عن مجال شغلك.
- احضر events، واهتم جداً بشبكة علاقاتك.
- لو متاح معاك تسافر كام يوم في مكان جديد، برضه هيفرق معاك جداً.
مع العلم إن الحاجات دي لو عملتها، حتى لما تلاقي مشروع، هتبني عندك عادات مفيدة جداً.