ليه يوم تسليم المشروع هو البداية مش النهاية؟
تعرف إن يوم تسليم المشروع هو اليوم اللي بتكون بدأت فيه المشروع فعلاً، مش خلصته؟
إنت والعميل بقالكم مدة طويلة بتبنوا المنتج وبتجربوه، لكن البداية الحقيقية هي دخول أول مستخدم. تجربة استخدامه مختلفة تماماً عن اللي حصل أثناء فترة التطوير والاختبار.
علشان كده اللي هيفرق معاك جداً إنك تقعد مع العميل وتبقوا حاطين خطة واضحة لفترة الصيانة وعارفين هتمشي إزاي، لإن دي الخط الفاصل بين المنتج وبين الاستخدام الحقيقي.
مثال بسيط
مع أول مستخدم ممكن تكتشف إنك محتاج تغير التكست أو طريقة الكلام علشان تبقى واضحة وسهلة له. حاجة زي كده تعديلها مش بياخد ثواني، لكن تأثيرها على البيزنس كبير جداً، والتفاصيل الصغيرة دي يمكن مش بتبان أثناء التطوير.
علشان كده دايماً حاول أي مشروع تسلمه تخصص له جزء من الوقت أسبوعياً للـ support، علشان تقدر تقول إنك قفلته وسلمته بالشكل المظبوط.