ينفع أتعلم Laravel من غير ما أعرف PHP؟

نصيحة كده سريعة للناس اللي داخلة مجال الـ Backend جديد:

مافيش حاجة اسمها هتعلم Laravel على طول، من قبل ما أعرف يعني إيه PHP وأفهم أساسياتها، وأفهم يعني إيه OOP على الأقل، وغيرهم من المواضيع الأساسية لأي حد.

بعد كده لازم تعمل مشروع بإيدك بـ PHP بس، من غير أي فريم ورك، علشان تفهم الأساسيات دي صح. والمشروع يكون بسيط، علشان بس توظف الأساسيات اللي إنت ذاكرتها وتفهم فايدتها إيه.

ده لازم تعمله قبل ما تدخل على Laravel مباشرة، لإن وظيفة الفريم ورك هي التسهيل وتوفير الوقت لما تكون شغال مع عميل أو في شركة. لكن حالياً، إنت مش عايز توفر وقت قد ما لازم تتعلم.

حبيت بس أنبه على الموضوع ده، لإني بشوف كتير بيتعلموا Laravel من قبل ما يعرفوا يعني إيه PHP.