ليه لازم تسمع العميل للآخر قبل ما ترد؟

بعد ما اتخرجت اشتغلت مع عميل قالي حاجة فرقت معايا لحد دلوقتي:

"العميل دايماً بيحب اللي يسمعه للآخر، حتى لو اللي بقوله ماينفعش يتعمل أو مش منطقي، لكن اسمعني وفي الآخر ناقشني."

أحياناً بنسبق اللي قدامنا بخطوة، وبنبقى متوقعين اللي هيتقال، ولو مش منطقي بنرفض من قبل حتى ما يكمل الجملة. وده بيدي انطباع سيئ جداً، حتى لو ماقالكش ده في وشك.

فدايماً حاول تسمع أكتر ما تتكلم عموماً، وخصوصاً في الشغل.