ليه مش بتجيب عملاء من LinkedIn؟ غلطة بنعملها كلنا

هقولكم على غلطة بنعملها على LinkedIn، ودي اللي بتخلينا مش بنجيب نتايج كويسة عليه: إننا بنهتم نضيف الناس اللي في نفس مجالنا بس، سواء زمايلنا أو صحابنا. وده مش وحش، لكن مينفعش لوحده.

لازم تفكر وتشوف إنت بتبيع لمين وعايز تكلم مين، وتبدأ تتفاعل مع الناس دي.

الكومنتات مهمة

وهقولك على حاجة كمان: LinkedIn بيهتم بالكومنتات يمكن أكتر من البوستات. علشان كده لما بتعلق عند حد، التعليق ده بيظهر للـ network عندك كلها. وطبعاً مش محتاج أقول إن الكومنت لازم يكون بيضيف حاجة، مش مجرد كلام وخلاص.

فدايماً اهتم بالتفاعل مع الناس اللي محتمل تشتري منك، مش بس زمايلك. رغم إن زمايلك ممكن يجيبوا ناس تشتري منك (وده اللي بيحصل أحياناً معايا)، لكن ده صدفة مينفعش تعتمد عليها بس.