ليه بقيت أعيّن freelancers بس في مشاريعي؟

من القرارات اللي فرقت معايا الفترة اللي فاتت، لما باجي أعيّن حد يشتغل معايا، إني بقيت أعيّن الـ freelancers فقط.

التجربة مع الـ fulltime

السنة اللي فاتت مريت بكذا تجربة سيئة جداً لما بشتغل مع حد يكون شغال fulltime في شركة. السبب إن المشروع بيكون أقل أولوية له، وفي الأغلب بيكون مديله ساعة ولا ساعتين بعد شغله اللي بيرجع منه مش شايف قدامه.

غير طبعاً إن التواصل بيكون صعب جداً الأوقات دي، وبيعتمد إنه هيشتغل في الويك إند. ولما الـ QA بيدخل يتست، مانلحقش نخلص في الويك إند، وندخل في نفس الدوامة.

الفرق مع الـ freelancers

لما بدأت أعتمد على الـ freelancers، الموضوع بقى دايماً مرن جداً بينا، لأن المشروع هو أولوية بالنسباله ومصدر دخله، فبيكون محافظ عليه جداً، وطريقة التواصل والشغل بتختلف تماماً.