20 حاجة فرقت معايا في الشغل وفي يومي

حابب أشارك معاكم بعض الحاجات العشوائية اللي فرقت معايا الفترة اللي فاتت، في الشغل وفي يومي عموماً:

1. مش لازم تقول رأيك في كل حاجة حواليك.
2. اقطع الزيوت النباتية وقلل الملح.
3. امنع التليفزيون خالص، حفاظاً على قواك العقلية.
4. استخدم الـ focus mode على الموبايل، ماتخليش كل الـ notifications متاحة طول الوقت.
5. فكرة إنك تتمرن على الأقل نص ساعة في اليوم دي مبقتش رفاهية.
6. حاول تبدأ يومك بدري على قد ما تقدر.
7. ماتدخلش نقاشات على الفيسبوك.
8. الروتين مش وحش، بالعكس، لازم يبقى فيه روتين في يومك مريح ليك وعملي.
9. لازم يبقى فيه وقت كل يوم تقضيه مع نفسك.
10. المشاوير اللي فيها تضييع وقت، زي المشاوير الحكومية، خلي حد يقوم بيها مكانك (لو ينفع).
11. زكاة العلم نشره، حاول تعلّم غيرك (بس تكون متأكد من اللي بتقوله، الله يخليك).
12. حافظ على الأذكار دايماً وعلى صلاة الضحى.
13. طلّع مبلغ أول كل شهر، ولو مبلغ بسيط جداً، لكن داوم عليه.
14. استخدم الورقة والقلم في ترتيب أفكارك.
15. قلل سقف طموحك في كل حاجة، هتتبسط دايماً بالنتايج.
16. لو عايز تعمل أي حاجة (لغة جديدة، مهارة، ...) ابدأ على طول، ماتفكرش كتير.
17. الشغل 18 ساعة في اليوم مش شطارة خالص، بالعكس، معناها إنك مش عارف تظبط يومك.
18. اتعامل مع LinkedIn بحذر.
19. لو حاجة هتاخد منك 5 دقايق اعملها حالاً، ماتأجلهاش.
20. حاول ماتمسكش موبايلك أول ساعتين في اليوم.