إزاي تقفل deal مع عميل؟ ركز على مشكلته مش على التكنولوجي

لما تروح تقابل عميل، دايماً ركز على حل المشكلة بتاعته!

حد هيقولي: طب ما هو ده الطبيعي. للأسف لا، معظمنا كمبرمجين بنتكلم من وجهة نظرنا بس. يعني بنقوله إننا هنستخدم أحدث technologies نزلت في السوق، وهنطبقلك الـ Clean Code زي ما Robert Martin بيقول، لكن كل ده مش هيفرق معاه نهائي.

دايماً لما تقابل عميل حاول تبص بعينه هو، شوف إيه المشكلة اللي عنده بالظبط وإزاي هتحلها. غالباً هتلاقي الموضوع أسهل ما إنت متخيل.

أول ما بدأت فري لانسنج زمان، لما كنت أعرض على العميل أحدث حاجة نزلت وقتها، مكنتش بلاقي الانبهار اللي أنا مستنيه، وده كنت بستغربه جداً. لكن مع الوقت والتجربة فهمت ده، وفرق معايا كتير في تقفيل الـ deals.