إزاي تعمل dummy data في Laravel من غير seeders لكل موديل؟

لما بشتغل في أي مشروع جديد، على قد ما الواحد بيكون متحمس، بس بيكون فيه شوية حاجات روتينية. من ضمنها فكرة الـ seeders، وإني أملى داتا علشان أجرب بيها، فبتقعد تعمل seeders لكل موديل، والموضوع بيكون ممل حتى لو بتستخدم الـ AI.

فحبيت أعمل باكدج تكون مسؤولة عن الـ generation بتاع الـ dummy data بشكل متقدم شوية.

بتعمل scan للـ model بكل الـ fillable attributes بتاعته والـ data types، وفي الآخر تعمل الـ dummy data بأي عدد إنت عايزه. فأعتقد ممكن برضه تبقى مفيدة لإخواتنا الـ testers.

الـ integration مع OpenAI

النسخة اللي شغال عليها دلوقتي هي integration مع OpenAI، بحيث إنك تكتب سيناريو معين، زي مثلاً: عايز عدد X من الطلبات مربوط بمستخدمين من دولة معينة، وسنهم يكون أكبر من 30 سنة، وكل طلب يكون فيه منتجات مختلفة.

فبتعمل generation لشوية منتجات ومستخدمين ودول في نفس الوقت، بناءً على الـ prompt اللي إنت كاتبه.

حالياً هي بتدعم Filament بس، لكن هيكون فيه زيها لـ Nova و Laravel بشكل عام عن طريق الـ CLI.

في النهاية الهدف منها هو توفير شوية وقت ومجهود. أتمنى تكون مفيدة، ولو فيه أي اقتراحات أو إضافات أشوفكم على الـ GitHub.