ليه لازم تتخصص في مجال بيزنس معين كـ Freelancer؟

من الغلطات اللي بنقع فيها لما نيجي نستقبل شغل من عملاء، إنك مش بتكون محدد نوعية البيزنس اللي هتشتغل فيه. يعني أي مشروع بيجيلك بتشتغل فيه وخلاص. بعد مدة بتلاقي مهاراتك اتطورت، بس برضه لازم تكون فاهم البيزنس اللي هتكمل فيه.

يعني مثلاً، حد بيحب مجال الـ eLearning والـ LMS، لما ييجي يشتغل فيه، هو كده مبقاش مجرد ديفلوبر شغال مع العميل. هو بقى كأنه شريك فاهم البيزنس، وهيقدر يساعد العميل نفسه.

ده لإنه عمل ميكس ما بين حاجتين مهمين: فهم البيزنس والـ technical skills. ودي من أهم الحاجات اللي هتساعدك تنافس بقوة في السوق.