إزاي تبطّل تسمع سؤال any updates من العميل؟

عندي دايماً مشكلة مع سؤال any updates، ويمكن كمان الكلاينت مش بيحب يسأل السؤال ده. وده بيسبب ضغط للطرفين، وفي الآخر غالباً بتحصل مشكلة لأن كل واحد توقعاته مختلفة عن التاني.

حبيت أحل المشكلة وفكرت في كذا حل، زي مثلاً إني أستخدم أداة زي Linear، بس اللي بلاحظه إن بعد كام يوم العميل مش بيفتح الصفحة تاني ومش بيتابع عليها.

علشان كده وصلت لحل جديد: كل application بشتغل عليه بعمل صفحة بسيطة بس منظمة، فيها كل الـ modules اللي المفروض نشتغل عليها وإيه حالتها، وبربط ده على دومين الـ application، وليكن status.application.com.

على قد ما هي فكرة تبان بسيطة، لكن وفرت كتير جداً علينا. كمان تقدر تعمل Rule جوه أي AI tool إنت شغال عليها، إنها تعمل update على الصفحة دي بعد أي تاسك تخلصها.

برضه ممكن تكتب في الصفحة دي أي blocker أو إيه اللي محتاجه من العميل، زي مثلاً AWS Credentials، Mail Service API Token، بحيث كل حاجة تخص الـ development phase تبقى واضحة ومتجمعة في مكان واحد.

مؤخراً بدأت أطور الفكرة، إن لو فيه أي تاسك محتاجة reminder تقدر تعمل ده من نفس الدومين، إنها تبعت إيميلات أو notification معينة بأي محتوى محتاجه.

الفكرة بالنسبالي إني مش بحب أتابع على أكتر من tool، وبحب دايماً إن كل حاجة تكون متجمعة في مكان واحد قدر الإمكان.