إزاي تختار الـ Tech Stack المناسب لمشروعك؟
من أكتر القرارات اللي بتأثر على نجاح أي مشروع من أول يوم هي اختيار الـ stack.
للأسف، فيه شركات كتير بتختار التكنولوجيا بناءً على عامل واحد: الـ developers اللي عندنا شغالين بيها. وده عامل مهم، بس مش كفاية.
العوامل اللي لازم تدرسها قبل ما تختار
- نوع المشروع: هل هو realtime؟ ولا dashboard؟ ولا مجرد CRUD؟
- عدد المستخدمين: منصة بيقضوا عليها فترة طويلة؟ ولا مجرد action ويمشوا؟
- تكلفة الاستضافة: فيه تقنيات تكلفتها أعلى بكتير من اللي المشروع محتاجه فعلياً.
- توافر الـ developers: هل هتلاقي ناس بسهولة لو حبيت تكبّر التيم؟
- سهولة الـ integration مع الـ third-party services.
- الـ learning curve: هل التيم جاهز يتعلم التكنولوجيا الجديدة؟
- حجم الـ community والدعم المتاح.
- دعم الـ AI tools: هل الـ AI tools متدربة على الـ tools اللي اخترناها وعلى علم بيها، ولا مش هنقدر نعتمد عليها؟