ينفع الفرونت إند يعدل في كود الباك إند بالـ AI؟

ماينفعش التيم عندك يكون له صلاحية إنه يعدل في ملفات هو مش فاهم فيها، بحجة إنه معاه أدوات AI بتساعده يخلص شغله وخلاص!

الفترة اللي فاتت شوفت ناس شغالين فرونت إند، لكن علشان يخلصوا تاسكاتهم بيعدلوا في ملفات الباك إند (والعكس صحيح). طبعاً ده بيزود الـ load على تيم الباك إند علشان يعملوا review على اللي اتعمل، غير إن على المدى البعيد ده هيعمل مشاكل كتير في الكود.

فالحل إن يكون فيه restrictions واضحة إن محدش يعدل في حاجة هي خارج نطاق شغله وخبرته، ولو حصل لأي سبب من الأسباب، لازم يكون فيه review مفصل لأي حاجة بتتكتب.