ليه مفيش طريقة شغل واحدة تنفع مع كل العملاء؟

كنت شغال في مشروع من فترة، وكنا مقسمين التاسكات على Notion بكل التفاصيل والتاسكات اللي محتاجين نشتغل عليها كلنا. الدنيا كانت كويسة جداً ومنظمة بشكل أحسن ما كنت متخيل، والعميل كان بيتابع التاسكات أول بأول، وفعلاً المشروع اتسلم في الآخر والدنيا تمام.

لما لقيت الطريقة دي ماشية، قلت أنا هطبق نفس الفكرة دي مع كل العملاء. ولما جه عميل اتعاملت معاه بنفس الطريقة، الدنيا ما كانتش ماشية كويس خالص. بالعكس، اتعطلنا كتير، لإنه مكانش له في الـ tools الكتير ولا إنه يتابع عليها، لكن هو فاهم البيزنس بتاعه بشكل ممتاز.

وقتها اقتنعت فعلاً إن في شغلك كـ freelancer لازم تكون مرن وتفهم دماغ العميل قبل ما تتعامل معاه، وإن مفيش طريقة واحدة هتمشي على كل العملاء.

دي بصراحة بشوفها من أصعب الحاجات، ويمكن عيب من عيوب الـ freelancing، إنك ماتقدرش تحط باترن محدد وواضح لكل مشروع، لكن لازم تكون مرن جداً.